Dağıstanın Azərbaycanla həmsərhəd Məhərrəmkənd rayonunda atışma olub.
BakuPost.az-ın "RİA Novosti”yə istinadən məlumatına görə, atışma nəticəsində 2 nəfər ölüb.
Ölənlərdən birinin rayon şurasının deputatı olduğu bildirilir.
Məlumata görə, insident nəticəsində daha 3 nəfər yaralanaraq Dərbənd şəhər xəstəxanasına yerləşdirilib. Onlardan ikisinin vəziyyəti orta ağırdır.
Atəş açan şəxslərdən biri saxlanılıb, iki nəfəri isə hadisə yerindən qaçıb.
Münaqişədə 8 nəfərin iştirak etdiyi bildirilir.