Ru
17:26 / 21 Noyabr 2017

“AzTV ilə İTV-nin reklamı kəsilsin” - Millət vəkili

1305
Bu gün Milli Məclisin plenar iclasında 2018-ci ilin dövlət büdcəsi layihəsinin müzakirəsi olub.


BakuPost.az Yenicag.az-a istinadən xəbər verir ki, iclasda çıxış edən deputat Qüdrət Həsənquliyev maraqlı fikirləri ilə yadda qalıb.


O, çıxışı zamanı qaçqın və məcburi köçkünlərin, o cümlədən hərbçilərin mənzil şəraitinin yaxşılaşdırılması məsələsinə toxunub:


"Bu şəxslərin mənzil şəraiti yaxşılaşdırılmalıdır. Bunun üçün büdcədən daha çox vəsait ayrılmalıdır. Son olaraq, hərbiçilərin mənzil şəraitinin yaxşılaşdırılması üçün büdcədən 29 milyon manat ayrılıb. Bu vəsait kimə çatacaq ki? Hazırda 4600 məcburi köçkün ailəsi qəzalı binalarda yaşayır. Bu problemin həlli üçün büdcədən mütləq vəsait ayrılmalıdır”.


Qüdrət Həsənquliyev çıxışı zamanı telekanallardan da söz açıb. O, bildirib ki, bu gün dövlət tərəfindən yalnız AzTV və İTV-yə maddi vəsait ayrılır. Həsənquliyevin sözlərinə görə, digər telekanallar populyarlığına görə adıçəkilən kanalları üstələyir:


"Dövlət tərəfindən maliyyələşən kanallara reklam vəsaitinin ayrılması dayandırılmalıdır. Diqqəti daha çox digər kanalların yaşamasına yönəltmək lazımdır”, deyə millət vəkili çıxışını yekunlaşdırıb.
Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin





Son xəbərlər
Çox oxunanlar
Son xəbərlər