"BakuBus" avtobusunun salonundan gümüş və mis pullar tapılıb.
BakuPost.az xəbər verir ki, bu barədə "BakuBus” MMC-nin mətbuat xidmətinin rəhbəri Mansur Piriyev məlumat verib. Bildirib ki, tapıntılar Azərbaycanın qədim dövrünə ( Albaniya dövlətinə aid olduğu güman edilən) aid maddi mədəniyyət nümunələridir: "Dünən bir nəfər tarixi eksponatları götürməyə gəlmişdi. Qədim pulları Qəbələdən tapdığını dedi. Biz ona bildirdik ki, tapılan tarixi eksponatlar qanunvericiliyə uyğun şəkildə aidiyyəti üzrə təqdim olunacaq".
Qədim əşyalar barədə Milli Azərbaycan Tarixi Muzeyinə məlumat verilib.