13:59 / 21 Noyabr 2017

Sabirabadda baş verən qəzada bir ailənin iki üzvü öldü – FOTOLAR/ YENİLƏNİB

2028

Sabirabadda "Mercedes”lə "KamAZ” toqquşması nəticəsində xəsarət alan şəxslərdən daha biri ölüb.

BakuPost.az APA-ya istinadən xəbər verir ki, hadisədə xəsarət alan sürücü, 1967-ci il təvəllüdlü Əsədov Şamil Cavad oğlu Sabirabad Mərkəzi rayon Xəstəxanasının reanimasiya şöbəsində keçinib.

***

12:19

Daxili İşlər Nazirliyi (DİN) Sabirabaddakı yol qəzası barədə məlumat yayıb.

BakuPost.az-ın nazirliyin saytına istinadən yaydığı xəbərə görə, noyabrın 20-də saat 8.00 radələrində Sabirabad rayonunun Bulaqlı kəndində Beyləqan rayon sakini Şamil Əsədovun idarə etdiyi "Mercedes” və Ağcabədi rayon sakini Asim Həsənovun idarə etdiyi "KamAZ” markalı avtomobillər toqquşub.

Nəticədə Ş.Əsədovun sərnişinlərindən qızı Fidan xəstəxanaya aparılarkən yolda ölüb, digər qızı, habelə A.Həsənov xəstəxanaya yerləşdiriliblər.

Baş İstintaq və Təhqiqat İdarəsi tərəfindən araşdırma aparılır.