Maşın sürmək qadağan edilən şəxs ağır qəza törətdi - Məşhur şikətin əməkdaşı ölümcül halda/ FOTOLAR

BakuPost.az xəbər verir ki, qəza Buzovna qəzəbəsində qeydə alınıb. Belə ki, Azad Məlikov adlı sürücü özünün 99 BN 889 dövlət nömrə nişanlı "Mercedes” markalı avtomobili ilə Heydər Eyvazov küçəsində yerləşən "Rahat” marketin qarşısından yola çıxmağa hazırlaşarkən Mübariz Nailovun idarə etdiyi 90 HL 411 dövlət nömrə nişanlı "Lexus” markalı avtomobillə toqquşub. Nəticədə A. Məlikov ağır yaralanıb və təcili xəstəxanaya çatdırılıb. Həkimlər sözügedən şəxsin ağır xəsarətlər aldığını və bədəninin müxtəlif nahiyələrində qırıqlar olduğunu deyib.

 

Hadisənin təfərrüatlarına gəlincə, məlum olub ki, "Lexus”un sürücüsü M. Nailov bir müddət əvvəl ağır əməliyyat keçirib. Əməliyyatdan sonra onda özündəngetmələr yarandığı üçün M. Nailova avtomobil sürmək qadağan edilib. Ehtimal edilir ki, M. Nailov elə qəzadan bir neçə saniyə əvvəl huşunu itirib, bu səbəbdən də idarəetməni itirərək Azad Məlikovun idarə etdiyi avtomobilə çırpılıb.

 

Məlumat üçün bildirək ki, A. Məlikov "Veysəloğlu” şirkətinin satış meneceridir.