Ru
14:35 / 17 Fevral 2019

Məşhur generalın külli miqdarda borcu üzə çıxdı - Bankla şok qalmaqal

10783
 


Fövqəladə Hallar Nazirliyinin Xüsusi Riskli Xilasetmə Xidmətinin rəisi, general-mayor Şahmar Ənvər oğlu Paşayevin ləğv prosesində olan Qafqaz İnkişaf Bankı ASC-ə külli miqdarda borcu var.

 

BakuPost AzNews.az-a istinadən xəbər verir ki, generalla bank arasında borc məsələsi uzun müddətdir ki, davam edir.


Belə ki, 2018-ci ilin oktyabr ayının 10-da Ali Məhkəmənin hakimi Ənvər Şadıyev aşağı instansiya məhkəmələrinin qərarlarını ləğv edərək işi yenidən baxmaq üçün apellyasiya məhkəməsinə göndərib.


Qeyd edək ki, məhkəmə prosesində iddiaçı kimi ləğv prosesində olan Qafqaz İnkişaf Bankı ASC, cavabdeh qismində isə Paşayev Şahmar Ənvər oğlu, Alza Holding-1 MMC və Həziyev Əli Həsən oğlu tanınıb. İddiaçı məhkəmədə ilkin olaraq borcun tutulması, tutmanın ipoteka predmetinə yönəldilməsi tələbi qoyub. Qarşılıqlı tələb kimi isə ilkin iddia tələblərinin qanunsuz hesab edilməsi qoyulub. Ancaq Ali Məhkəmə iddiaçının tələbini təmin etməyərək generalın xeyrinə qərar çıxarıb. Çıxarılan qərardan narazı qalan, ləğv prosesində olan Qafqaz İnkişaf Bankı ASC-nin apellyasiya şikayətinə fevral ayının 19-da Bakı Apellyasiya Məhkəməsinin hakimi Elnur Həsənovun sədrliyi ilə keçiriləcək iclasda baxılacaq.


Xatırladaq ki, Şahmar Paşayev ötən əsrin axırlarında Xətai rayonu RPİ-nin 37-ci polis bölməsinin rəisi vəzifəsində işləyərkən gündəmə gəlib. O, uzun illər həmin vəzifədə işləyəndən sonra Yasamal RPİ-nin rəisi vəzifəsinə təyin olunub. Sonrakı illərdə xeyli dəyişikliklər baş verib.


 
HX_1

Bakı BPİ rəisinin birinci muavini işləyən Cavadağa Sultanov vəzifəsindən azad olunub və bu posta yenə də Şahmar Paşayev gətirilib. 2007-ci ildə Ş. Paşayev Şirvan şəhərinin, Şamaxı rayon Polis Şöbəsinin rəisi işləyir.


2014-cü ilin aprel ayında müəyyən səbəblərdən Daxili İşlər orqanlarından xaric edilir. Həmin vaxt Ş.Paşayev mətbuata açıqlamasında işdən öz ərizəsi ilə çıxarıldığını, buna səbəb kimi isə səhhətində yaranmış problemləri, artıq işləyə bilmədiyini əsas göstərir.


Lakin cəmi bir neçə ay sonra o tamam başqa bir nazirliyə vəzifə tutur.


Belə ki, fövqəladə hallar naziri Kamaləddin Heydərovun əmri ilə, Ş.Paşayev 2015-ci ilin yanvar ayında FHN-in Kiçik Həcmli Gəmilər üzrə Dövlət Müfəttişliyinin rəisi vəzifəsinə gətirilir. Bir neçə ay sonra isə (18 noyabr 2015) o daha yüksək vəzifəyə təyinat alır.


 
kemaleddin

Nazirin əmriylə Ş.Paşayev Fövqəladə Hallar Nazirliyinin Xüsusi Riskli Xilasetmə Xidmətinin rəisi təyin edilir. Sonra isə Paşayev FHN sistemində general rütbəsinə layiq görülür.
Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin





Son xəbərlər
Çox oxunanlar
Son xəbərlər