“Münaqişənin həlli ilə bağlı irəliləyiş yoxdur...” - Elçin Mirzəbəyli

 

1.Danışıqlar prosesini intensivləşdirmək üçün tədbirlərin görülməsi və xarici işlər nazirlərinin işçi görüşünün keçirilməsi; 

2.Təmas xətti boyunca gərginliyi azaltmaq üçün əlavə addımların atılması.

E.Mirzəbəylinin fikrincə, xarici işlər nazirlərinin işçi görüşünün keçirilməsi o anlama gəlir ki, prezidentlərin görüşü sadəcə danışıqların bərpa edilməsi xarakteri daşıyıb: "Münaqişənin tənzimlənməsi ilə bağlı müzakirələr isə xarici işlər nazirlərinin işçi görüşündən sonra baş tuta bilər. Bu da, şübhəsiz ki, ehtimal olaraq qalır. Çünki işçi görüşdən sonra ortaya çıxacaq mənzərəni indidən müəyyənləşdirmək mümkün deyil.

Təmas xətti boyunca gərginliyi azaltmaq üçün əlavə addımların atılmasını isə bir neçə aspektdən dəyərləndirmək olar. Ola bilsin ki, ATƏT təmas xəttində monitorinqləri intensivləşdirəcək, yaxud müşahidəçilərin sayını artıracaq. Amma bütün bunların da effektiv nəticə verəcəyini düşünmürəm. Çünki gərginliyə səbəb olan amil işğal faktıdır və bu fakt aradan qalxmayınca lokal toqquşmalardan qaçmaq mümkün olmayacaq”.