Ru
12:24 / 17 Noyabr 2018

Yüksək vəzifələrə sənəd verən yoxdur

2481
Bu gün dövlət qulluğunda yüksək vəzifələrə sənəd verənlər yoxdur.


BakuPost Trend-ə istinadən xəbər verir ki, bunu Dövlət İmtahan Mərkəzinin Direktorlar Şurasının sədri Məleykə Abbaszadə "Dövlət İmtahan Mərkəzinin fəaliyyəti: imtahanlara dövlət nəzarəti və ictimai nəzarətin vəhdəti" mövzusunda konfransda çıxışı zamanı deyib.


O bildirib ki, rəhbər vəzifələr üçün tələblər, iş stajı qoyulub. Nəticədə ümumi stajı 11 il, rəhbər vəzifədə 7 il olan adam imtahana gəlmir, lakin işləyir. "Gənc vəzifəyə gələ bilməz. Müəyyən staj tələb olunmayan yerlərə stajı olmayan şəxslər gələ bilər. Sektor müdirindən aşağı vəzifələrə staj tələb olunmur. Ali məktəb məzunları hər il bu imtahanlarda iştirak edib, iş qazana bilər. Gənclər üçün dövlət qulluğunda karyeranı başlamaq vacib istiqamətdir".


Sədr bildirib ki, dövlət qulluğuna qəbulla bağlı proses istənilən səviyyədə çevik olmur, elə də səmərə vermir.


"2018-ci ildə dövlət qulluğunda 17 min ştat vahidi var. Biz gözləyirik ki, imtahanlarda çoxlu iştirakçı olacaq. İmtahanın test mərhələsində iştirak edənlərin sayı 110 mindir. Sertifikat alanların sayı təxminən 4 minə yaxındır. Müsabiqədə iştirak edənlərin sayı sertifikat alanların ayından çoxdur. Çünki sertifikat alan bir şəxs müxtəlif müsabiqələrdə iştirak edə bilər. Müsahibə üçün qeydiyyatdan keçənlərin sayı isə həddindən artıq çoxdur. Çünki bir adam 25 yerə müsahibəyə yazılır, 3 yerə gəlir, qalanına yox. Buna bizim resurslarımız gedir, məsuliyyətsiz yanaşma var. Uğurla müsahibədən keçənlərin sayı isə sertifikat alanların təxminən 1/3-dir. Dövlət qulluğuna qəbul olunanların sayı təxminən 600 nəfərdir. Beləliklə, sertifikat alaraq müsabiqədən keçən 1200-dən çox insanın yarısı reyestrə dövlət qulluqçusu kimi daxil olunub".
Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin





Son xəbərlər
Çox oxunanlar
Son xəbərlər