Bakıda gənc oğlan bıçaqlandı

Binəqədi rayonunda bıçaqlanma hadisəsi baş verib. BakuPost  APA-ya istinadən xəbər verir ki, hadisə  rayonun Biləcəri qəsəbəsinin Yəhya Hüseynov küçəsində qeydə alınıb. Belə ki, 1994-cü il təvəllüdlü İsrafilzadə İbrahim Məhbub oğlu tanımadığı şəxs tərəfindən parka çağırılıb. Ona bir neçə bıçaq zərbəsi vurulub. O, 1 saylı Klinik Xəstəxanaya yerləşdirilib. Həkimlər tərəfindən İ.İsrafilzadənin vəziyyəti ağır qiymətləndirilib.