2024-cü ildə Azərbaycan elminin itkiləri - FOTO

Bakupost.az bu il vəfat edən elm xadimlərinin siyahısını təqdim edir:

Nəsiman Yaqublu: Azərbaycan tarixçisi, tarix elmləri doktoru, professor, Azərbaycan Yazıçılar Birliyinin və Azərbaycan Jurnalistlər Birliyinin üzvü. O, əsasən, Azərbaycan Xalq Cümhuriyyəti tarixi və Məhəmməd Əmin Rəsulzadə barədə tədqiqatlarla məşğul olub. Avqustun 25-də avtomobil qəzasında həlak olub.

Səbzəli Cavadov: Azərbaycan və ABŞ alimi, tibbi biokimyaçı və fizioloq, tibb elmləri doktoru (1992), professor (1993), Amerika Kardioloqlar Cəmiyyətinin fəxri üzvü (2015), Amerika Fizioloqlar Cəmiyyətinin üzvü (2009), Amerika Redoks Biologiya və Tibb Cəmiyyətinin üzvü (2015), Amerika Milli Sağlamlıq İnstitutunun (2017) və Amerika Kardiologiya Cəmiyyətinin elmi qrant komitələrinin üzvü (2015), İngiltərə (2012), Belçika (2010), Çexiya (2011) və Xorvatiyanın (2010) elm fondlarının üzvü. İyun ayının 4-də vəfat edib.

Həsən Feyziyev: Tanınmış alim, Azərbaycan Respublikasının əməkdar müəllimi, texnika elmləri doktoru, professor, Beynəlxalq Ekoenergetika Akademiyasının həqiqi üzvü. Noyabrın 26-da vəfat edib.

Fazil Vahidov: Alim, fəlsəfə elmləri namizədi. Martın 1-də vəfat edib.

Zakir Əliyev: Azərbaycan tibb alimi, nevropatoloq. Tibb elmləri doktoru (1987), professor (1989). Oktyabrın 14-də vəfat edib.

İlham Əzimov: Professor (2009), baytarlıq elmləri doktoru (1996). Sentyabrın 24-də vəfat edib.

Yaqub Qurbanov: Azərbaycan Respublikasının baş terapevti, Azərbaycan Tibb Universitetinin "Terapevtik və pediatrik propedevtika" kafedrasının professoru, kardioloq. Sentyabrın 13-də vəfat edib.

Allahverdi Həsənov: Azərbaycan Respublikası Elm və Təhsil Nazirliyi İdarəetmə Sistemləri İnstitutunun laboratoriya müdiri, texnika elmləri doktoru, professor. Bu il avqustun 29-da vəfat edib.

Əkrəm Aslanov: Fizika-riyaziyyat elmləri namizədi. Avqustun 4-də vəfat edib.

Zöhrab Qarayev: Azərbaycan Dövlət Tibb Universitetinin professoru. İyun ayının 24-də vəfat edib.

Əkbər Əliyev: Azərbaycan alimi, riyaziyyatçı. Aprelin 21-də vəfat edib.

Arif Səfiyev: Filologiya elmləri doktoru, Azərbaycan Yazıçılar Birliyinin üzvü. Aprelin 12-də vəfat edib.

Qüdrət İsmayılzadə: Azərbaycan arxeoloqu, tarix elmləri doktoru, BDU-nun Tarix fakültəsinin Arxeologiya və Etnoqrafiya kafedrasının professoru, "Şöhrət" ordeni laureatı (2019). Aprelin 1-də vəfat edib.

Bəhrəm Əliyev: Riyaziyyat üzrə elmlər doktoru, professor, 1990-cı ildən ADPU-da çalışıb. Martın 15-də vəfat edib.

Şirindil Alışanov: Azərbaycan filoloqu, filologiya elmlər doktoru, AMEA Nizami adına Ədəbiyyat İnstitutunda "XX əsr Ədəbiyyatı" şöbəsinin müdiri, Azərbaycan Yazıçılar Birliyinin və Azərbaycan Jurnalistlər Birliyinin üzvü. Martın 14-də vəfat edib.

Aydın Ələkbərov: Tanınmış alim, filologiya elmləri doktoru, Prezident təqaüdçüsü. Martın 13-də vəfat edib.

Əli Həsənov: Azərbaycan iqtisadçısı, Bakı Əmtəəşünaslıq-Kommersiya İnstitutunun rektoru (1993-2000), Azərbaycan Dövlət İqtisad Universitetinin prorektoru (2000–2004), iqtisad elmləri doktoru, professor, "Tərəqqi" medalı, "Şöhrət" ordeni laureatı, Azərbaycan Respublikası Prezidentinin fərdi təqaüdçüsü (2020-ci il). Martın 13-də vəfat edib.

İsa Hüseyn: İqtisad elmləri doktoru, AMEA İqtisadiyyat İnstitutunun direktoru. Martın 9-da vəfat edib.

Tahir Pənahov: Fizika-riyaziyyat üzrə elmlər doktoru. Fevralın 28-də vəfat edib.

Telman Ağdamski: Azərbaycanlı kimyaçı, kimya elmləri doktoru, Azərbaycan Respublikasının əməkdar müəllimi (2012). Fevralın 19-da vəfat edib.

Müdafiə Mahmudov: Azərbaycan Texniki Universitetinin fəxri professoru, pedaqoji elmlər doktoru. Yanvarın 21-də vəfat edib.

Şamil Vəliyev: Professor, filologiya elmləri doktoru, əməkdar jurnalist, Jurnalistika fakültəsinin dekanı. Yanvarın 18-də vəfat edib.

Firuzə Muradova: Tarix üzrə fəlsəfə doktoru, Azərbaycanın ilk qadın arxeoloqlarından biri. Yanvarın 16-da vəfat edib.

Solmaz İsrafilbəyli: Tibb elmləri doktoru (1974), professor (1979), əməkdar elm xadimi (1987). Yanvarın 11-də vəfat edib.

İsmayıl Zülfüqarov: Azərbaycan və Koreya alimi. 1984–2002-ci illərdə kiçik elmi işçi vəzifəsindən aparıcı elmi işçi vəzifəsinədək yüksəlib. 2008-ci ildən 2020-ci ilə qədər Cənubi Koreya Respublikasının Busan Dövlət Universitetində tədqiqatçı-professor kimi fəaliyyət göstərib. UNESCO-nun Bioetika, elm və texnologiyaların etikası Azərbaycan Milli Komitəsinin sədr müavini idi. Yanvarın 10-da vəfat edib.