18:57 / 30 Oktyabr 2024

ABŞ 20 məmur və 350-dən çox şirkətə sanksiya tətbiq etdi - SİYAHI

541

ABŞ Maliyyə Nazirliyi sanksiya siyahılarını genişləndirib.

Bakupost.az TASS-a istinadən xəbər verir ki, Amerika maliyyə departamentinin məlumatına görə, məhdudiyyətlər Rusiya hərbi-sənaye kompleksinə, eləcə də Rusiya Federasiyasına qarşı sanksiyalardan yayınmada iştirak etdiyi iddia edilən şirkətlərin “qlobal şəbəkəsinə” qarşı yönəlib.

Aşağıdakılara sanksiya verilib:

RF Silahlı Qüvvələrinin Baş Hərbi-Siyasi İdarəsinin rəisi Viktor Qoremıkin;

Müdafiə nazirinin müavini, Vətən Müdafiəçiləri Fondunun sədri Anna Tsivileva;

Rusiya Federasiyası Müdafiə nazirinin müavini Aleksandr Fomin;

Rusiya müdafiə nazirinin müavini Andrey Buliqa;

Rusiya Federasiyası Müdafiə nazirinin müavini Pavel Fradkov;

"Transmaşholdinq"in baş direktoru Kirill Lipa;

Moskva Aviasiya İnstitutu;

Şin istehsalçısı "Kordiant";

"Çiv və Dip" şirkəti;

"Zvezda" elm-sənaye müəssisəsi;

"Rosatom"un strukturuna daxil olan iki şirkət;

Ulyanovsk "Avtodom" MMC.

Ümumilikdə 20 Rusiya vətəndaşı ABŞ-ın məhdudlaşdırıcı tədbirlərinə məruz qalıb. Bundan əlavə, iki Çin vətəndaşı, dörd Türkiyə vətəndaşı, iki Hindistan vətəndaşı, iki İsveçrə vətəndaşı, bir Yunanıstan vətəndaşı və bir Çili vətəndaşına Amerika sanksiyaları tətbiq edilib.

ABŞ Rusiya Federasiyası, Çin, Birləşmiş Ərəb Əmirlikləri, Türkiyə, İsveçrə, Hindistan və Özbəkistan da daxil olmaqla müxtəlif ölkələrdə 350-dən çox quruma qarşı sanksiya tətbiq edib. Amerika maliyyə departamentinin məlumatına görə, məhdudiyyətlər Rusiya hərbi-sənaye kompleksinə, eləcə də Rusiya Federasiyasına qarşı məhdudiyyətlərdən yayınmada iştirak etdiyi iddia edilən şirkətlərin “qlobal şəbəkəsinə” qarşı yönəlib. Onların sanksiya siyahısına daxil edilməsi ABŞ-dakı aktivlərin dondurulması, Amerika vətəndaşlarının və şirkətlərinin həmin qurumlarla iş aparmasının qadağan edilməsi deməkdir.

Amerika departamentinin saytında yerləşdirilən yenilənmiş sanksiya siyahılarından BƏƏ-nin 10 şirkətinə məhdudiyyətlər qoyulub: Abu Ragueb General Trading LLC, Air Leo FZE, Apiline Trading FZE, Auto Parts East FZCO, Khromos Engineering, Moto Export DWC MMC, New Transshipment FZE, Smart Solutions LTD, Turboshaft FZE, V Link Aviation Management FZCO.

Zaur, BakuPost

Şərhlər

Seçilmiş Zəngimcell