ABŞ-Ukrayna görüşünə Moskvadan REAKSİYA

Bakupost.az xəbər verir ki, bu barədə Lenta.ru ilə söhbətində Rusiya Dövlət Dumasının beynəlxalq məsələlər komitəsi sədrinin birinci müavini Aleksey Çepa bildirib.

Onun sözlərinə görə, Vaşinqtondakı danışıqlardan sonra “bu gün vəziyyəti hansısa yolla yumşaltmaq cəhdi var”.

Deputat hesab edir ki, bu gün Ukrayna PUA-larının Rusiya ərazisinə kütləvi hücumunun səbəbi də budur.

“Onların hücumları, o cümlədən Ukrayna Silahlı Qüvvələrinin mülki hədəflərə zərbəsinin məqsədi hansı güc və imkanlara malik olduğunu göstərmək üçün edilir. Bu, çox güman ki, bütün sağlam düşüncəli siyasətçilər üçün tamamilə mənfi nəticələrə səbəb olacaq”, - Çepa bildirib.

Qeyd edək ki, bu gün Səudiyyə Ərəbistanında Ukrayna ilə ABŞ arasında danışıqlar başlayıb. Kiyevdən görüşdə Ukrayna prezidenti aparatının rəhbəri Andrey Yermak, Xarici İşlər Nazirliyinin rəhbəri Andriy Sıqiba və müdafiə naziri Rustem Umerov iştirak edir. Amerika nümayəndə heyətinə dövlət katibi Marko Rubio və milli təhlükəsizlik müşaviri Mayk Uolts başçılıq edir.