ABŞ Ukraynaya təzyiq edir - " Yaşı 18-ə endirin"

Bakupost.az xəbər verir ki, bu barədə prezident Co Bayden administrasiyasının adının açıqlanmasını istəməyən nümayəndəsi Vaşinqtonda jurnalistlərə bildirib.

Dünya agentliklərinin verdiyi məlumata görə, ABŞ prezident administrasiyasının üzvü deyib ki, Ukrayna kifayət qədər canlı qüvvəsini səfərbər etmir və ona görə də indi Donbasda geri çəkilir.

“İndi bizə canlı qüvvə lazımdır. Ruslar əslində irəliləyir, şərqdə sabit irəliləyiş əldə edir və onlar Kursk bölgəsində ukraynalıları geri itələməyə başlayırlar. Səfərbərlik və daha çox canlı qüvvə indi döyüş meydanındakı vəziyyəti dəyişə bilər”, - deyə “Reuters” mənbənin sözlərini sitat gətirib.

Bayden administrasiyasının rəsmisinin sözlərinə görə, Kiyev daha 160 min insanı səfərbər etməli olduğuna inanır, lakin ABŞ səfərbər olunanların sayının daha çox olmasını təklif edir.

Ukraynada qanuna görə, 25-60 yaş arası kişilər müharibəyə səfərbər olunur. Bəzi istisnalarla 18-25 yaş arası oğlanlar hərbi xidmətə çağırılır və ilkin hərbi hazırlıq keçirlər, lakin cəbhəyə getmirlər.