17:39 / 14 Noyabr 2024

Ağ Evdə kartlar yenidən paylanır - Pentaqonda Tramp təmizliyi

662

Amerikada seçkilərin qalibi Donald Tramp irəlidəki dörd il üçün administrasiyasını formalaşdırmaya başlayıb. Trampın komandasında olmayacaq şəxslərlə bağlı göstəriş verdiyi bildirirlir. Onun qara siyahısında generalların da yer aldığı önə sürülür. Bu da Pentaqonda görünməmiş bir dəyişiklik olacağının siqnalıdır.

Bakupost.az "Reuters"a istinadən xəbər verir ki, Trampın komandasında yer alacaq vəzifəlilərin də siyahısı hazırlanır.

Mənbələr Trampın ikinci prezidentlik dövründə Pentaqonda kütləvi ixtisarların ola biləcəyini proqnozlaşdırır. Onun planı təsdiq edib-etməyəcəyi bəlli deyil. Lakin yeni prezidentin keçmişdə onu tənqid edən müdafiə rəsmilərinə sərt reaksiya verdiyi məlumdur.

Seçki kampaniyası vaxtı o, dəfələrlə seçiləcəyi təqdirdə Amerika hərbçilərinin səlahiyyətlərində böyük dəyişikliklər edəcəyini vurğulayıb.

Elgün, Bakupost

Şərhlər

Seçilmiş Zəngimcell