12:01 / 12 Oktyabr 2024

Aİ İrana yeni sanksiyalar tətbiq edəcək

2455

Avropa İttifaqı yaxın vaxtlarda İranın Rusiyaya ballistik raketlər ötürməsi ilə bağlı şəxslərə və təşkilatlara qarşı sanksiyalar tətbiq edəcək.

Bakupost.az xəbər verir ki, bu barədə REUTERS iki avropalı diplomat və Aİ-nin yüksək rütbəli rəsmisinə istinadən məlumat yayıb.

Diplomatlardan biri deyib ki, Aİ xarici işlər nazirləri hava yolları və digər şirkətlər də daxil olmaqla, raketlərin ötürülməsinə kömək edən 14 nəfərə və təşkilata qarşı sanksiyalar tətbiq edəcək.

Eyni zamanda, Avropa rəsmiləri onların hansı şirkət və ya şəxslər olduğunu açıqlamayıblar. Bundan əvvəl diplomatlar İranın milli aviaşirkətinə qarşı məhdudiyyətlərin tətbiq oluna biləcəyi barədə məlumat vermişdilər.

Öz növbəsində Aİ nümayəndələri qeyd ediblər ki, İranın güclü hərbi qüvvəsinə - İslam İnqilabı Keşikçiləri Korpusuna qarşı sanksiyaların tətbiq edilib-edilməməsi ilə bağlı Avropa ölkələri arasında mübahisələr davam edir.

Cavidan, BakuPost

Şərhlər

Bizi telegram-da izləyin

Bizi facebook-da izləyin

Bizi tiktok-da izləyin

Bizi youtube-da izləyin

Son xəbərlər

Çox oxunanlar

Son xəbərlər