Alimlər süni ağız yaratdılar - O, niyə lazımdır? - FOTO

Bakupost.az xəbər verir ki, Fransa və Yaponiya alimlərinin hazırladığı cihaz silikon dil, damaqdan ibarətdir. O, insan dilinin hərəkətlərini imitasiya edə bilir.

Belə ki, süni ağız hələ ki, yumşaq qidanı ağızda hərəkət etdirib, əzməyə və həll etməyə hesablanıb.

Dünyada hər il udma, çeynəmə aktı pozulan, qidalanmada problem yaşayan insanların xəstələrin sayı artır. Bu vaxta kimi mövcud olan müasir modellərin heç biri dil və ağızı dəqiqliklə imitasiya edə bilməyib.

Lakin son süni ağız dəqiq proqramlaşma sayəsində təbii hərəkət və çeynəməni əvəz edəcək. Nəticədə bu xəstələr üçün uyğun qida məhsulları istehsal olunacaq.

Süni ağız kremli desert, şokoladla sınanıb. Gələcəkdə məhz bu model təkmilləşdirilərək çeynəmə funksiyası əvəz oluna bilər. Hətta dili olmayan insanlar üçün də yumşaq süni dilin yaradılması düşünülür.