Avropada mavi dil xəstəliyi: Bu il ilk hadisə aşkarlandı

Bakupost.az xarici KİV-ə istinadən xəbər verir ki, Avropada sürətlə yayılan bu xəstəlik heyvanların ölümünə səbəb ola bilər.

Xəstəliyin ilk dəfə İngiltərədə Norfolk bölgəsində bir qoyunda aşkarlandığı deyilir.

Bu xəstəlik qoyun, mal-qara, keçi, maral və lama kimi təsərrüfat heyvanlarının həyatı üçün təhlükə yaradır.

Xəstəlik dilin göyərməsi və şişməsi, qızdırma, süd istehsalının azalması əlamətlərlə özünü göstərir və ölümə səbəb olur.

Səlahiyyətlilər xəstliyin yayılmasının qarşısını almaq üçün 20 kilometrlik nəzarət zonası yaradıblar

.

Fermerlərə heyvanlarını mütəmadi olaraq yoxlamaq və şübhəli hallar barədə Kənd Təsərrüfatı və Bitki Sağlamlığı Agentliyinə məlumat vermələri tövsiyə olunub.