Avtobus zolaqları ayrıldı: bəs ictimai nəqliyyat niyə gecikir?

“Məsələn, Ziya Bünyadov prospektində, yolun müəyyən hissəsində avtobus zolaqları çəkilib. O hissədə yerləşən hər mağaza sahibi öz maşınını yolun kənarında saxlayır. Qalır bir yol və bu yoldan da həm avtobus, həm də digər nəqliyyat vasitələri istifadə edirlər. Bu kimi faktların qarşısını almadan belə islahatlar aparmaq effekt vermir. Bir də yolun müəyyən hissələrində ağac budaqları var ki, orada zolaqlar olsa da, avtobus keçə bilmir. Məsələn, Tbilisi prospektində. Hazırda bu prospektdə hərəkət iflic vəziyyətdədir”.

"Velosiped yolları boş qalıb. Çünki bu yollar qırıq-qırıqdır. Yəni velosipedi olan şəxs bir hissədə onu sürməlidir, sonra yolun hərəkət hissəsinə çıxmalıdır. Bu da çox təhlükəlidir. Velosiped üçün ayrılan yolların əksəriyyəti ümumi yolun hüsabına ayrılıb. Halbuki, Avropa şəhərlərində bu yollar səkilərin hesabına ayrılır. Bizdə isə velosiped yolları ümumi yolun bir hissəsini əhatə etdiyi üçün şəhərdəki tıxaclar bir az da artıb. Problem yaradan digər bir məqam isə yol ayrıclarıdır. O ayrıclar qüsurlu tikilib. Bu da yollarda tıxac yaradan əsas səbəblərdəndir. Bütün sadalananlar vəziyyəti daha da pisləşdirir. İctimai nəqliyyatda gecikmə problemi necə var idisə, elə də qalıb. Buna görə də daha dərindən düşünmək və islahatı elə şəkildə aparmaq lazımdır ki, problem daha da qəlizləşməsin, əksinə həll olunsun".