Azərbaycana pul göndərişində kəskin azalma: nə baş verir? - Açıqlama

Azərbaycanda banklardan xaricə göndərilən vəsaitin həcmi isə 259.3 milyon manata bərabər olub. Azərbaycan Mərkəzi Bankı bildirib ki, ötən ilin yanvar-iyun aylarına nisbətən sürətli pul köçürmə sistemləri vasitəsi ilə banklara daxil olan vəsaitin həcmi 31.3 % və ya 406.8 milyon manat, banklardan xaricə köçürmələr isə 19% və ya 61 milyon manat azalıb. Ötən ilin birinci yarısında Azərbaycanda banklara sürətli pul köçürmə sistemləri vasitəsi ilə 1 milyard 299.9 milyon manat daxil olub. Banklardan xaricə göndərilən vəsaitin həcmi isə 320.3 milyon manat təşkil edib.

“2022-ci ildə rus şirkətlərini sıxışdırdılar, sanksiya tədbiq etdilər. Ona görə 2022-ci ildə Azərbaycana pul daxil oldu. Yəni daxil olmalarda artımlar məhz Rusiyadan Azərbaycana göndərişlərlə bağlı idi. Rusiyayla Azərbaycanın əlaqələri sıxdır. Həm də orda böyük sayda azərbaycanlılar rəsmi və qeyri-rəsmi şəkildə yaşayırlar. Bu proseslər - Rusiya şirkətlərinin adaptasiyası, sanksiyalardan yayınmalar bir qədər zaman aldı, rusşirkətləri və vətəndaşı buna öyrəndi. Ona görə də indi stabil vəziyyətə qayıdırlar. Digər tərəfdən, Azərbaycana Rusiyadan göndərilən göndərişlər əsasən, azərbaycanlıların ailələrinə göndərdikləri pullardan ibarətdir. Burada başqa bir məsələ yoxdur. Rusiyada iqtisadi artım, əməkhaqlarının artımı baş verir. Vəziyyət pisləşməyib ki, bunun da Azərbaycana təsiri olsun”.