Azərbaycanda kişilərin xəyanətinin 5 səbəbi... - Açıqlama

“Ölkədə xanımlar ginekoloqlarla danışanda məlum olur ki, əri ola-ola cinsi ehtiyac səbəbindən xəstəlik yaşayırlar. Həmin ərlər gedib başqasıyla xanımına xəyanət edir. Demək ki, burda paradoks var. Birincisi, kişinin hansısa travması var, ikincisi, kişi nəyinsə acığını çıxır, üçüncüsü, kişi özünü bununla sübut edir, dördüncüsü, özgüvəni artsın deyə, beşincisi, ətrafdakılara "mən də xəyanət etdim" deyə bilmək üçün bunu edir”.

“Bu gün xanımları gözüyaşlı qoyan kişilər bilməlidir ki, Azərbaycan qadınının dünya qadınlarından fərqi var. O, daim fədakar, ailəcanlı olub, ön plana öz ailəsini çıxarıb, hətta övladlarından da qabaq həyat yoldaşına hörmət edib, onu sevib. Ona görə də xəyanətlərin baş alıb getdiyi bu dövrdə boşanmaların sayının artması labüddür. Gəlin özümüzə sual verək əziz və dəyərli kişilər, bir ailəni dağıtmaq bahasına xəyanət etməyə dəyərmi?”