Azərbaycanın qonşuluğunda quduzluq alovlandı

Bakupost.az xəbər verir ki, bu barədə “İzvestiya” bildirib.

Qəzetin yazdığına görə, söhbət xüsusilə Voronej, Nijni Novqorod, Həştərxan, Belqorod, Saratov, Tümen vilayətləri, Trans-Baykal ərazisi və digər regionlardan gedir.

Sonuncu hadisə oktyabrın 23-də Moskvanın Lyublino rayonunda qeydə alınıb. Bundan sonra yaxınlıqdakı küçələrdə karantin tətbiq edilib ki, bura quduzluq xəstəliyinə tutulmuş heyvanların müalicəsi, idxal və ixracı, meyitlərin dərisinin soyulması, eləcə də xəstə heyvanların iştirak edə biləcəyi kütləvi tədbirlərin keçirilməsinə məhdudiyyətlər daxildir.

2023-cü ilin avqust ayında Federal Heyvan Sağlamlığı Mərkəzi Samara, Volqoqrad, Belqorod, Çelyabinsk, Tümen və Nijni Novqorod vilayətləri, habelə Krasnoyarsk diyarında 60-dan çox quduzluq hadisəsi qeydə alıb. Virus daha çox tülkü, it və pişiklərdə tapılıb.

Sentyabrda 21 regionda, o cümlədən Volqoqrad, Samara və Kemerovo vilayətlərində yoluxma halları aşkar edilib. Bu rayonların bəzilərində bir neçə dəfəkarantin tətbiq edilib.

Heyvan Sağlamlığı Federal Mərkəzinin direktor müavini Nikita Lebedevin sözlərinə görə, vəhşi heyvanlar arasında quduzluğun əsas daşıyıcısı tülkülərdir.

“Tülkülər urbanizasiya prosesinə daha yaxşı uyğunlaşır, şəhər küçələrində ev heyvanları ilə təmasda olur və onları quduzluğa yoluxdurur. Onlar da öz növbəsində artıq insanları dişləyirlər”, - Lebedev qeyd edib.

O əlavə edib ki, əvvəllər quduzluğun əsas daşıyıcısı canavarlar olub, lakin ötən əsrdə kütləvi güllələnmələr nəticəsində onların sayı azalıb.

Yksək kateqoriyalı baytar Mixail Şelyakov deyib ki, istənilən istiqanlı heyvanlar, o cümlədən quşlar quduzluq daşıyıcısı ola bilər. O, əlavə edib ki, ev heyvanları hər il peyvənd edilməlidir.

“Quduzluğu ən çox itlər, tülkülər və pişiklər yayır. Xəstəlik əsasən dişləmə yolu ilə ötürülür. Heyvanlar istisnasız olaraq peyvənd edilməlidir, bundan əlavə, kənd təsərrüfatında çalışan insanlar arasında peyvənd aparılmalıdır”, - deyə ekspert bildirib.