Bahalaşma davam edəcək - Ekspertdən bəd xəbər

"Digər tərəfdən, ixraca və daxili bazara göndərilən məhsullar arasında tarazlıq pozulub. Bu da qiymətlərə ciddi təsirlər göstərir. Qiymətlərin qalxmasına təkan verən əsas amillərdən biri də kənd təsərürfatı məhsullarının bazara çıxarılmasındakı problemlərdir. Yəni ticarət halqalarında vasitəçilərin böyük paya malik olmasıdır. Kənd təsərrufatı məhsullarının istehsalı ilə bağlı xərclərdə idxalın payı da çoxdur. Gübrə təsərrüfatından tutmuş, inkişafa yönələn kreditlərin yüksək olmasına kimi bir sıra amillər sistemli şəkildə qiymətlərin yüksəlməsinə təsir göstərir".

"Əks halda qiymətlərdəki kəskin dəyişmələr, bahalıq davam edəcək. Hansısa dönəmdə ola bilsin ki,bir qədər enmələr müşahidə edilsin. Bu da onunla bağlı ola bilər ki, daxili bazara daha çox məhsullar çıxarılsın və ucuzlaşma olsun. Amma son nəticədə sadalanan problemlər aradan qaldırılmasa, qiymətlərdəki qeyri-tarazlıq, qiymət artımları davam edə bilər”.

“Bu gün bütün siyasət onun üzərində qurulub ki, xarici bazarlarda daha çox kənd təsərrüfatı məhsulları, meyvə-tərəvəz satılsın. Orada həcm artdıqca daxili bazarda çatışmazlıq olur və qiymət yüksəlir. Qiymət artımının ən başlıca səbəbi dizel yanacağı ilə bağlıdır. Məlumdur ki, bir neçə həftə bundan öncə dizel yanacağının qiymətində kəskin artım oldu. Dizel yanacağının qiyməti birdən-birə 25 faiz artdı. Aqrar sahədə, kənd təsərrüfatında dizel yanacağı mal və məhsulların maya dəyərində çox önəmli rol oynayır. Dizel yanacağının bəzi məhsulların maya dəyərində 40-45 faiz, ortalama isə 30 faizdən yuxarı payı var. Sadalanan bu iki əsas səbəbə görə ölkə bazarlarında arzuolunmaz qiymət artımı müşahidə edirik”.