Toya və yasa gedənlər qəzaya düşdü: ölənlər var - FOTO / YENİLƏNDİ

Bakupost.az xəbər verir ki, hadisə yolun Biləsuvar rayonunun Arazbari kəndindən keçən hissəsində baş verib.

Qəza zamanı "VAZ-2107" və "Opel" markalı avtomobillərin toqquşması nəticəsində iki nəfər ölüb, iki nəfər xəsarət alıb. Onların Astara və Beyləqan sakinləri olduğu bildirilir.

Faktla bağlı araşdırma aparılır.

***

Biləsuvar-Bəhrəmtəpə yolunda baş verən yol qəzası ilə bağlı bəzi təfərrüatlar məlum olub.

Bakupost.az -ın xəbərinə görə, Arazbari kəndində iki minik avtomobili -VAZ-2107 və "Opel"intoqquşması nəticəsində ilkin məlumata görə, iki nəfər həyatını itirib, 5 nəfər isə yaralanıb.

VAZ-2107-də olan sərnişinlər Salyan rayonuna yas mərasiminə gedən bir ailənin üzvləri olub. Onlar Beyləqan sakinləridir.

"Opel" markalı avtomobildə olanlar isə Bakıdan Cocuq Mərcanlıya toy mərasiminə gedən Cəbrayıl rayonunun Cocuq Mərcanlı kəndinin sakinləridir. Yaralanan 5 Cəbrayıl sakini Biləsuvar qaçqın düşərgəsində yerləşən xəstəxanaya aparılıblar.

Hadisənin dəqiq səbəbləri hələlik bilinmir. İlkin ehtimallara görə, qəza yolun vəziyyəti və ya sürət həddinin aşılması nəticəsində baş verib.

Hadisə yerinə təcili tibbi yardım briqadaları və hüquq-mühafizə orqanları cəlb edilib.

Ölən və yaralananların sayı dəqiqləşdirilir.

***

DİN-in Mətbuat Xidmətinin Lənkəran regional qrupundan Bakupost.az -a bildirilib ki, dekabrın 28-də saat 9 radələrində Biləsuvar rayonunun Arazbarı kəndi ərazisində X. Quluzadənin idarə etdiyi “Opel” markalı avtomobillə E.Kərimlinin idarə etdiyi “Vaz” markalı avtomobil toqquşub.

Nəticədə avtomobillərdə olan sərnişinlərdən Şöhlət Məmmədova, Məryəmxanım Kərimova və İlqar Kərimov ölüb, 8 nəfər isə müxtəlif bədən xəsarətləri alıb.

Hazırda faktla bağlı araşdırma aparılır.