Böyük cinayət izi: titan dişlər, mərc oyunları, bank kreditləri

Bayram adlı bir dostumuz var idi. Onunla hər görüş toy-bayram olurdu. Türkuyədə hüquq oxumuşdu, kiçik biznesi də vardı. Bir gün eşitdik ki, Bayramın bir milyon borcu var. “Topaz” oyunlarına qurşanıbmış. Evlərini satdı, işni bağladı, axırda da ölkədən qaçdı. O gedəndən sonra əvvəl ailəsi dağıldı. Sonra atası, anası evlərini, qızıllarını satdılar, bir müddət sonra isə bir-birinin ardınca kirayə qaldqları evdə infarktdan öldülər. Bayram bu yaxınlarda qayıdıb, hamı ilə sağollaşıb, intihar edəcəyini deyib.

Kasıb adamlar üçün bəlaya çevrilən təkcə mərc oyunları deyil, həm də bu oyunları təşkil edən, cinayətkar şəbəkə kimi fəaliyyət göstərən bəzi bank və kredit təşkilatlarıdır. Bu gün rayonlarda, kəndlərdə pensiya, maaş kartı olan şəxslərin əksəriyyəti kredit ödəyicisidir. Bank əməkdaşları qapı-qapı gəzərək, insanları şirnikləndirir, bilgisizliyindən, pul görməmişliyindən istifadə edib onlara yüksək faizlə kredit verirlər. Soruşanda ki, bu krediti nə üçün götürmüsən, heç bir məntiqli cavab almırsan. Biri bekarçılıqdan, biri əlində bir müddət nağd pul görmək eşqindən, biri qonşusuyla bəhsə girmək üçün… Bir sözlə, heç nəyə görə! Bu adamların çoxunun kartı illərdir bank əməkdaşlarındadır.

Mərc oyunları insanları necə asılılıq və bəlaya sürükləyirsə, kredit verən təşkilatlar da onları o cür tələyə salırlar. Mərc şəbəkələri kimi, kredit təşkilatları da insanları cazibədar təkliflərlə aldadır və nəticədə onlar yüksək faizlərlə borclanıb çıxılmaz vəziyyətə düşürlər. İstər mərc oyunlarına, istərsə də zərərli kredit sxemlərinə qarşı mübarizə cəmiyyət üçün həyati əhəmiyyət daşıyır.

Nəzərə almaq lazımdır ki, mərc oyunlarına və kredit bataqlıqlarına düşən insanlar yalnız səxsi məsuliyyətsizliyinin deyil, həm də sistematik problemlərin qurbanlarıdır.