“Azərbaycanla Ermənistan arasında sülh sazişinin mətni üzrə danışıqların yekunlaşması hələ onun imzalanması demək deyil. Konstitusiya dəyişikliyi edilmədən Azərbaycanın sülh sazişinə imza atmayacağı aydındır. Bəli, saziş layihəsinin mətni üzrə danışıqlar yekunlaşıb. Həmin danışıqlarda Azərbaycan öz tələblərini qəti şəkildə irəli sürüb. Əgər Ermənistan regionda sülhdə maraqlıdırsa, o zaman tələblərin yerinə yetirilməsi istiqamətində əməli addımlar atmalıdır”.
Bu fikirləri
Bakupost.az -a millət vəkili Elçin Mirzəbəyli bildirib.
O qeyd edib ki, Ermənistan Konstitusiyasında dəyişiklik edilməli, Azərbaycana qarşı ərazi iddiasına son qoyulmalıdır. Əslində bir ölkənin digər ölkəyə qarşı ərazi iddiasının rəsmi şəkildə davam etməsi halında imzalanan saziş etibarlı ola bilməz:
“Ötən zaman kəsiyində ərazilərimizdə bizim vətəndaşlara qarşı törədilən bütün cinayətlərə görə məsul olan şəxslər Azərbaycana təhvil verilməlidir. Həmin şəxslərin ədalət məhkəməsi qarşısında dayanması təmin olunmalıdır. Tarixə yalnız ədalətli mühakimə ilə qiymət vermək mümkündür. Bu, artıq müəyyən zaman kəsimində qaranlıq səhifələrin bağlanmasına zəmin yaradacaq”.
Sevinc,
BakuPost