Bu məhsulun Azərbaycana gətirilməsi əhalidən niyə gizlədilir? - Açıqlama

“Bu yağ müsəlman ölkələrində, Malayziya və İndoneziyada istehsal olunur və ucuz başa gəlir. Bu yağın MDB-nin duru yağ bazarına buraxılmaması üçün böyük media basqısı həyata keçirilir”.

“O cümlədən ən həssas qida olan körpə yeməklərinin tərkibində də palma yağı var. Braziliyadan palma yağı alıb gətirmişəm. Həmin yağı burada açıq şəkildə satırlar”.

“Bunun biri sənaye məqsədi ilə, digəri isə qida üçün hazırlanır. Qida üçün olanı palma yağının çəyirdəyindən hazırlanır. Bunlar normal yağlardır və qidada rahat istifadə oluna bilər. Azərbaycana da külli-miqdarda palma yağı gətirilir, lakin nədənsə bu, əhalidən gizlədilir. Görünür, bu da MDB məkanında media basqısına görədir”.

“Bu yağın qida üçün olanı heç də zərərli deyil və AQTA buna ciddi nəzarət edir. Ona görə də güman etmirəm ki, sənaye üçün olan palma yağları Azərbaycanda qida üçün istifadə olunsun. Bu, mümkün deyil. Lakin biz birmənalı şəkildə AQTA və istehsalçılardan tərkibinə palma yağı qarışdırılıb istehsal olunan malların etiketində bunun yazılmasını tələb edirik”.

“Azərbaycan Qida Təhlükəsizliyi Agentliyinə bəyan edirlər ki, palma yağını sabun sənayesində istifadə etmək üçün gətirirlər. Əslində isə onu ərzaq məhsullarının tərkibinə qatılır. Əldə edilən qazanc çox olduğu üçün də palma yağının idxalı ildən-ilə artır”.