Bu ölkədə 103 ildə ilk dəfə vəba aşkarlandı

Bolqarıstanda 103 ildə ilk dəfə vəba aşkarlanıb.

Bakupost.az “Report”a istinadən xəbər verir ki, xəstəliyi Bolqarıstanda daimi yaşayan 23 yaşlı hindistanlı, avqustun 2-dən 23-dək vətənində olmuş gənc gətirib. Gəncdə vəba əlamətləri sentyabrın 3-də özünü göstərib.

O, həkimlərin nəzarəti altındadır. Qeyd olunur ki, xəstənin ümumi vəziyyəti yaxşıdır. Onunla birlikdə yaşayan kişi karantinə alınıb.

Qeyd edək ki, Bolqarıstanda son vəba epidemiyası 1914-1918-ci illər arasında baş verib.