“Bu yenilik saxtakarlığın qarşısını alacaq” - Aydın Mirzəzadə

“Bu gənclərin hərbi xidmətə çağırılması onların xəstəliklərini daha da ağırlaşdıra bilər. Bu, həm ailə, həm cəmiyyət, həm də dövlət üçün ağrılı məsələ ola bilər. Bu baxımdan bunların qarşısı alınması üçün belə bir addım atılıb”.

“Bir vaxtlar bütün bu neqativ halların qarşısını almaq üçün Hərbi Səfərbərlik Xidməti təşkil olundu, rəhbərlik yeniləndi. Bilirsiniz ki, bir neçə rayonda Səfərbərlik və Hərbi Xidmətə Çağırış üzrə Dövlət Xidməti rəisi işdə yol verdiyi saxtakarlığa görə saxlanıldılar. Bütün bunların hamısı həmin sistemdə şəffaf, hər hansı qanunsuzluğun qarşısını almaq üçün şərait yaradır. Hesab edirəm ki, hərbi səfərbərlik şöbəsiylə yanaşı, onunla bir idarədə olmayan strukturun sağlamlıq məsələlərinə rəy verməsi bu sahədə mümkün ola biləcək saxtakarlığın qarşısını almağa imkan verir”.