Bulvarda sökülən attraksionların yerinə niyə yeniləri gətirilmir?

Qeyd edək ki, bir neçə il əvvəl bu ərazidə 40-a yaxın attraksion var idi.

Attraksionların fəaliyyətinin yenidən bərpa olunması düşünülürmü?

Bakupost.az xəbər verir ki, Dənizkənarı Bulvar İdarəsinin mətbuat katibi Əfsanə Mehdiyeva Bizim.Media-ya bulvar ərazisindən yığışdırılan attraksionların müasir tələblərə cavab vermədiyini, istismar müddətinn başa çatdığını bildirib:

"Köhnəlmiş attraksionların yığışdırılması həm də təhlükəsizlik baxımından vacib idi. Onların yeni nəsil attraksionlarla əvəzlənməsi istiqamətində işlər aparılır. İlin əvvəlində azyaşlılar üçün bir neçə yeni attraksion, gəzinti qatarları istifadəyə verilib".

"Bundan əlavə, mart ayında Panorama attraksionu əsaslı təmir olunduqdan sonra yenidən istifadəyə verilib. Qeyd edək ki, attraksion yalnız küləkli hava şəraitində işləmir", - deyə qurum sözçüsü bildirib.