"Dağıdılan yurd yerlərimizdə şam yanır, işığımız böyüyür" - "Rüstəmxanlı söhbətləri" - VİDEO

"Çünki onda bu şeirin bədiilik ruhu, böyük dəyərlərə malik xalqın gücü, qüdrətini ifadə edən sözlər indiki qədər gözəl, halallıqla, inamla səslənməzdi. Amma indi inamla səslənir və hesab edirəm ki, bu il Novruz şamları daha gur yanacaq, bu ilin səməniləri daha yaşıl, bu ilin süfrələri daha bərəkətli, bu ilin duaları daha tutumlu, qollu-buddaqlı olacaq. Bu il o dualarda şəhidlərin ruhu anılacaq, 30 ildən sonra yenidən özümüzə qaytardığımız torpaqları quran, abadlaşdıran insanlara, ora köçən insanların yurdlarının abadlığına daha ürəklə dualar ediləcək".

"Əlbəttə, nisgillərimiz, Azərbaycanının böyük problemləri var. Bu gün Güney Azərbaycanda 35 milyondan artıq türklərin hüquqları pozulur, adamlar orta əsrlər qaydaları ilə asılır, öldürülür. Amma bunun da bir sonu var. Əsas odur ki, araya min sərhəd çəksələr də, xalq birdir və bizim böyük perspektivimiz, gələcəyimiz var. Gələcəyimizə nikbin baxmalı, bayram axşamı niyyət edəndə bu arzu-diləklərimizi unutmamalıyıq".