Dağlarda azan gənc 13 gün giləmeyvə ilə qidalandı - FOTO

Bakupost.az xəbər verir ki, bu barədə The Sydney Morning Herald yazıb.

23 yaşlı Hadi Nazari ötən il dekabrın 26-da dağlara yollanıb. Həmin gün o, dostları ilə çadır şəhərciyində görüşməli idi, lakin ora çatmayıb.

Bundan sonra dostları Nazarinin itdiyii barədə polisə məlumat verib və onlar xilasedicilərlə birgə axtarışlara başlayıblar.

Dekabrın 31-də polislər çayın yaxınlığında Nazariyə məxsus dağ yürüşü çubuqları tapıblar. Yanvarın 5-də isə onlar itkin düşən şəxsə aid alışqan, fotoaparat və çanta aşkar ediblər. Nazari itkin düşdükdən yalnız 13 gün sonra xilas edilib. Belə ki, bir qrup turist dağlarda arıq adama rast gəlib.

Nazari bildirib ki, bu müddət ərzində dağlarda bir daxmada yaşayıb və xilas olunmağı gözləyib. O, özü ilə götürdüyü müsli və topladığı giləmeyvələrlə qidalanıb.

Kişi susuz qalsa da, orqanizmi bundan zərər görməyib. Nazarinin ailəsi onun xilas edildiyi günü həyatlarının ən xoşbəxt günü adlandırıb.