Pakistanın Lahor şəhərinin sakininə məxsus üç şirdən biri qəfəsdən qaçaraq yoldan keçənlərə hücum edib.
Bakupost.az xəbər verir ki, bu barədə "Pakistan Observer" məlumat yayıb.
Məlumata görə, şirin sahibi Çaudri Əli İmran yırtıcını yaşayış kompleksinin ərazisində saxlayırmış. Onun küçəyə necə qaçdığı hələlik məlum deyil. Yaşayış kompleksinin silahlı mühafizəçisi heyavanın adamlara hücumunun qarşısını almaq üçün onu öldürməli olub.
Zərərçəkənlərin vəziyyəti ilə bağlı məlumat yoxdur. Hadisə yerinə gələn polis araşdırmalara başlayıb.
Hadisə vəhşi heyvanların yaşayış məntəqələrində saxlanılmasının qadağan edilməsi ilə bağlı geniş ictimai müzakirəyə səbəb olub.
Lalə Novruz, BakuPost
1308
MEDİA 
ZƏNGİMCELL
