“Prezident Zurabişvili hakimiyyəti təhvil vermək istəmir. Onun postundan getmək istəməməsi Gürcüstanda ciddi toqquşmalara gətirib çıxara bilər. Çünki hakim "Gürcü Arzusu" geri çəkilmək niyyətində deyil. Bu isə böhranın dərinləşəcəyi ehtimalını artırır”.
Bu fikirləri
Bakupost.az -a politoloq İlyas Hüseynov deyib.
Onun sözlərinə görə, Zurabişvili öz səlahiyyətlərini təhvil verməsə, onun həbs edilməsi mümkündür:
“Çünki hakim partiya başqa yolu qalmadığını bəyan edə, onu cinayət məsuliyyətinə cəlb edə bilər. Zurabişvilinin məqsədlərinə çatmaq istəyi, özünü müxalifətin lideri kimi təqdim etməsi sabiq Prezident Mixail Saakaşvilinin addımlarını xatırladır. Bu günlərdə Baş nazir İrakli Kobaxidzenin “Zurabişvilinin dəmir barmaqlılar arxasında ola biləcəyi” barədə söylədiyi fikir də təsadüfən deyil. Fikrimcə, bu, bir xəbərdarlıq mesajıdır”.
Sevinc,
BakuPost
1132
MEDİA 
ZƏNGİMCELL
