Halal otel adının verilməsində pul amili... - Ekspertdən sərt tənqid

“Xidmət xeyli aşağı düşüb. Sanki təklif tələbi üstələyir. Belə halda əslində gərək servis yüksək olsun. Amma bunun əksi baş verib, xidmət aşağı düşüb, qiymətlər isə qalxıb. Bunun fonunda Azərbaycana gələn turistlərin sayı həddən artıq çoxdur. Təşkilat sədri kimi monitorinqlər aparıram, Azərbaycanın hər bir bölgəsinə gedirəm və görürəm ki, ölkəmizə Hindistandan, Pakistandan, Şri Lankadan gələn turistlər üstünlük təşkil edir”.

“Ölkəmizdə turizm xidmətləri başqa ölkələrlə müqayisədə bahadır, xidmət də aşağıdır. Azərbaycanda da tələb təklifi üstələyib, amma burda halal turizmə yer var. Elə bir iş aparılmalıdır ki, halal qida kimi əcaib sertifikatlaşdırma aparılmasın. Halal otel və turizmdə sertifikatların verilməsində pul amili rol oynamamlı, hökumət bu işi maliyyələşdirməlidir və halallığa dair bütün prinsiplər otellərdə və turizm məkanlarında bərpa olunmalıdır”.

“Halal turizm tətbiq edən zaman heç bir turizm obyektində faizli kreditlər məsələsi olmamalıdır. Halallıq prinsipi, personalın müsəlman qaydalarına riayət etməsi gözlənilməlidir. Hökumət elə bir vəziyyət yaratmalıdır ki, çoxlu sayda turizm obyektləri yaransın və bunlar halallıq prinsiplərinə əməl etsinlər. Otelin tikilməsində pulun mənbəyi də halal olmalıdır, bu da ciddi araşdırılmalıdır”.