ABŞ-nin keçmiş prezidenti Donald Tramp rəqibi olacağı gözlənilən ABŞ vitse-prezidenti Kamala Harrisin daha pis namizəd olduğunu bildirib.
Bakupost.az xəbər verir ki, Tramp Fox News televiziyasına verdiyi müsahibədə Harrislə bağlı qiymətləndirmələr edib.
Onun Baydendən "daha pis namizəd" olduğunu deyən Tramp, "Məncə o (Harris) daha radikal solçudur", - bildirib.
Tramp, Harrisin "çox danışdığını, lakin boş olduğunu" iddia edib.
Sosial mediada gülüşü ilə gündəmə gələn Harrisin təbəssümünü tənqid edən Tramp, "Bu gülüş dəli adamın gülüşüdür. Amma onun artıq belə gülmədiyini fərq etdim. Biri onu gülməməyə razı salıb", deyə əlavə edib.
Xatırladaq ki, Bayden iyulun 21-də X hesabında verdiyi açıqlamada prezidentlik yarışından çəkildiyini və onun yerinə vitse-prezident Harrisi tövsiyə etdiyini açıqladı.
Elnur
BakuPost
3573
MEDİA 
ZƏNGİMCELL
