Fələstinin HƏMAS hərəkatının Qəzza zolağında saxlanılan israilli girovların siyahısını Misir tərəfinə təhvil verdiyi iddia edilir.
Bakupost.az xəbər verir ki, bu barədə “Əl Ərəbiyyə” telekanalı məlumat yayıb.
Onun mənbələrinə görə, vasitəçilər hazırda Qəzzada atəşkəs sazişi bağlamaq üçün aktiv məsləhətləşmələr aparır və guya İsrailə qoşunlarını Filadelfiya dəhlizindən (Misir və Qəzza sərhədindəki ərazinin bir hissəsi) çıxarması üçün təzyiq göstərirlər.
Telekanal bildirib ki, Misirlə sərhəddə yerləşən Rəfah keçid məntəqəsinə nəzarət Fələstin Milli Administrasiyasına keçməli olacaq.
Nə HƏMAS, nə də Misir tərəfi girovların adları olan siyahının ötürülməsi faktını hələlik təsdiqləməyib.
Zaur, BakuPost
1555
MEDİA 
ZƏNGİMCELL