"Hizbullah" İsrailin hərbi bazalarına hücum etdi

Bakupost.az xəbər verir ki, bu barədə qurumun Telegram kanalında yerləşdirilmiş kommünikedə deyilir.

“İslam müqavimətinin pilotsuz təyyarələri şimal hərbi dairəsinin qərargahının yerləşdiyi Safed şəhərində düşmən qüvvələrinin və hərbi texnikasının cəmləşdiyi əraziyə hücum edərək, ona xeyli ziyan vurub”, - mətndə qeyd edilir.

Qeyd olunur ki, əməliyyat “Livan və Fələstin xalqının İsrail təcavüzünə qarşı müqavimətinə dəstək məqsədilə” həyata keçirilib.

Kommünikedə Qolan təpələrində yerləşən Yoafdakı İsrail ordusu kazarmalarının raket və minaatanlardan atəşə tutulduğu da bildirilib.

Qərbi Qalileyada şiə döyüşçüləri İsrail Hərbi Dəniz Qüvvələrinin Roş-ha-nikrradakı bazasına hücum edərək, bir neçə raket atıblar. Sərhəd bölgəsində baş verən hücumun nəticələri barədə məlumat verilmir.

Zaur, BakuPost