İcra başçısından qohumu ilə bağlı iddiaya REAKSİYA

Bakupost.az "Qaynarinfo"ya istinadən xəbər verir ki, Murad Əsgər oğlu Ağayev başçının köməkçisi təyin olunub.

Xatırladaq ki, Murad Ağayev Əziz Əzizovun bacısı oğludur. Əziz Əzizov 2006-2018-ci illərdə Cəlilabad Rayon İcra Hakimiyyətinin başçısı vəzifəsində çalışan zaman Murad Ağayev bir neçə il onun sürücüsü kimi fəaliyyət göstərib.

Əziz Əzizov Bakı Şəhəri Yasamal Rayon İcra Hakimiyyətinin (02.02.2018-12.11.2019) və Suraxanı Rayon İcra Hakimiyyətinin (12.11.2019-08.07.2024) başçısı vəzifəsində işləyərkən isə Murad Ağayev onun köməkçisi olub.

Məlumat mətbuatda dərc olunduqdan sonra - 18 avqust 2021-ci ildə Əziz Əzizov bacısı oğlunu vəzifədən azad edib.

****

Beyləqan Rayon İcra Hakimiyyətinin başçısı Əziz Əzizovun bacısı oğlu Murad Ağayevi özünə köməkçi təyin etməsi barədə məlumat yayılıb.

Bakupost.az “Qafqazinfo”nun sorğusuna istinadən xəbər verir ki, İddialarla əlaqədar Beyləqan Rayon İcra Hakimiyyətindən n sorğusuna cavab olaraq bildirilib ki, qeyd edilən vəzifədə başqa şəxs çalışır.

Rəsmi açıqlamada qeyd edilib ki, sosial şəbəkələrdə Beyləqan Rayon İcra Hakimiyyətinin başçısı Əziz Əzizovun öz bacısı oğlu Ağayev Murad Əsgər oğlunu özünə köməkçi təyin etməsi ilə bağlı yayılan xəbərlər tamamilə əsassızdır: “Məlumat üçün bildiririk ki, başçının köməkçisi vəzifəsinə Beyləqan Rayon İcra Hakimiyyəti başçısının 27.01.2023-cü il tarixli 11 nömrəli Əmri ilə Əsgərli Hikmət Malik oğlu təyin edilib və hazırda həmin vəzifədə işləyir”.