"İranın nüvə obyektləri darmadağın ediləcək" - Tofiq Zülfüqarovun ŞƏRHİ

"Bəziləri deyirlər və mən də bu fikirlə razıyam ki, İsrail İrana zərbə endirməyə bəhanə əldə etdi. Onun əsas məqsədi təbii ki, İranın hansısa şəhərləri, insanların yaşadığı ərazilər olmayacaq. İsrailin hədəfi ilk növbədə İranın nüvə layihələri olacaq. Onlar bu obyektlərlə bağlı yaxşı məlumatlıdırlar. Ona görə də İsrailin zərbələri nəticəsində nüvə obyektləri tamamilə darmadağın olunacaq".

"Bu vəziyyət əslində gələcək danışıqlar üçün zəmin yaradacaq. Bilirsiniz ki, bir çərçivə mövcud idi: İran və 6 fövqəl dövlət (BMT Təhlükəsizlik Şurasının beş daimi üzvü və Almaniya) bu danışıqlarda iştirak edirdi. İndiki vəziyyət düşünmürəm ki, danışıqların daha da fayda verməsi üçün müvafiq bir vəziyyət yaradacaq. Ona görə də müharibə deyəndə bir çoxları İsrailin İranın nüvə layihələrinə, hansısa obyektlərinə zərbə vuracağını nəzərdə tuturş Yəni, İranın nüvə proqramı bitmiş vəziyyətə salınacaq. Bu vəziyyətdən sonrakı danışıqların daha da uğurlu olması istisna olunmur. Çünki İranın indiki mərhələdə məqsədi bəlkə də nüvə proqramı yox, modul stansiyalardan azad olunmasıdır. Artıq yeni bir vəziyyət yaranıb. Bu dəyişikliyi hiss etmək üçün İranın yeni prezidenti Məsud Pezeşkiyanın BMT-dəki çıxışını bir daha yada salmalıyıq. İlkin fikirlər bundan ibarətdir".

"Münaqişənin miqyası, hərbi əməliyyatlarla bağlı müxtəlif mənbələr fərqli fikirlər söyləyirlər. Köhnə bir mövqe geniş yayılıb ki, indi hərbi əməliyyatlar geniş miqyaslı müharibə deyil. Yəni 2-3 aydan bir hansısa tərəfin raket zərbələri hələ tam miqyaslı müharibə demək deyl. Ona görə də hesab etmirəm ki, indiki mərhələdə bu münaqişənin Azərbaycana təsiri barədə danışmaq doğru olar. Əgər söhbət münaqişənin ölkəmizə təsirindən gedirsə, hazırda İranın hava məkanı bağlı olduğuna görə Azərbaycandan hansısa istiqamətlərə uçan təyyarələr və yardım üçün məkan tapıblar. Bunu da bir simvol kimi görürəm. Çünki Azərbaycan bu məsələdə neytral mövqeyini saxlayacaq. İkincisi, artıq bilirik ki, bizdən şimalda və cənubda demək olar ki, müharibə gedir. Rusiya-Ukrayna müharibəsi, İranla İsrail qarşıdurmasıı... Bu baxımdan indiki dövr üçün bu neytral mövqeyi saxlamaq və kommunikasiyalar təklif etmək bizim üçün faydalı mövqedir. Hesab edirəm ki, bu mövqe davam etdiriləcək".