İsrail Dahiyəyə zərbə endirdi: ölü sayı 4 minə yaxınlaşır

Bakupost.az Türkiyə KİV-ə istinadən xəbər verir ki, İsrailin hücumları zamanı Gubeyri və Şuveyfat məhəllələrində bir neçə nöqtə hədəf alınıb. Hücum nəticəsində ölən və ya yaralananların olub-olmadığına dair məlumat verilmir.

İsrail Ordusunun sözçüsü Aviçay Adraee, hücumlar başlamazdan əvvəl sosial media hesabında Şuveyfat və Gubeyri məhəllələrindəki iki binanın boşaldılmasını tələb etmişdi.

Livan Səhiyyə Nazirliyinin məlumatına görə, son döyüşlərdə 216-sı uşaq, 653-ü qadın olmaqla, 3 min 365 nəfər həyatını itirib, 14 min 344 nəfər isə yaralanıb.

İsrail bombardmanları nəticəsində Livanda yüz minlərlə insan evlərini tərk etmək məcburiyyətində qalıb. Köç dalğası Beyrutdan və ölkənin cənub bölgəsindən şimala doğru davam edir. BMT-nin məlumatlarına görə, İsrailin hücumları nəticəsində 1 milyon 400 min nəfərdən çox insan evini tərk edib, 585 min nəfər isə Suriyaya sığınıb.