İsrail-Livan cəbhəsində atəşkəsə əməl olunacaqmı? - ŞƏRH

Mövzu il bağlı siyasi ekspert Zərdüşt Əlizadə Bakupost.az -a açıqlamasında bildirdi ki, indi hər şey HƏMAS və İsrail arasında münasibətlərdən asılıdır.

“Əgər İsrail HƏMAS-ı məhv etməyə davam etsə, yaxın zamanda "Hizbullah"la saziş pozulacaq. "Hizbullah" nəyə görə İsraili vurur? Deyirdi ki, “HƏMAS-ı,ərəbləri məhv etmə”. 43 mindən çox adam öldürüblər. İsrailin məqsədi, ümumiyyətlə, Qəzza ərəblərini oradan köçürmək, o torpaqları özünə birləşdirməkdir. Bu da yenə HƏMAS-la münasibətdən, ərəb ölkərinin insafı və qeyrətindən asılıdır. Əgər ərəb ölkələri birləşib, Trampa “İsrailini saxla” desələr, onda Tramp onları saxlaya biləcək, yox, əgər Tramp işğal siyasətini müdafiə etsə, əgər ərəb ölkələrinin ona öz iradələrini bildirməyə cəsarətləri çatmasa, onda, İsrail HƏMAS-ı məhv etməyə davam edəcək və yenidən müharibə başlayacaq. Çünki İran və "Hizbullah" Fələstin ərəblərinə arxa çevirə bilməzlər. Onlarınkı amal işidir”.

Ekspertin sözlərinə görə, İsrailin qoşun, aviasiya, tank və maliyyə dəstəyi, eləcə də tərəfdarları, HƏMAS-la müqayisədə üstünlük təşkil edir:

""Hizbullah", əlbəttə ki, İsrail ordusu ilə döyüşməyə hazırdır, amma Livanı dağıdırlar. "Hizbullah" öz gücünü də itirir. Vəziyyəti çətindir. Həmçinin, İranı da geniş müharibə və bombardımanla hədələyirlər. İran İsraildən çəkinmir, amma Amerika da qoşulsa, İran ı viranə qoya bilərlər. Ona görə buna imperialist siyasət deyirlər .İmperialist dövlətlərin siyasəti belədir. Rusiya Ukraynanı viran qoyur, İsrail Fələstini. Beynəlxalq hüquqla, insan haqları ilə hesablaşmırlar".