Lənkəranda xoruz davaya səbəb oldu - 3 nəfər bıçaqlandı

Bakupost.az “Qafqazinfo” ya istinadla xəbər verir ki, hadisə rayonun Vel kəndində baş verib.

Belə ki, 1957-ci il təvəllüdlü Nərminə Hüseynova, 1970-ci il təvəllüdlü Nəzər Hüseynov, 1996-ci il təvəllüdlü Əlişah Hüseynov çəpər qonşuları olan 1980-cı il təvəllüdlü Seymur Hacıyev və atası 1952-ci il təvəllüdlü Möhübbət Hacıyev arasında dava olub.

Əlbəyaxa olan qonşular bir-birinə ağır xəsarət yetirib. Onlardan 3 nəfər bıçaqlanıb, 2 nəfər isə xəsarət alıb.

Xəsarət alanlar təcili olaraq Lənkəran Rayon Mərkəzi Xəstəxanasına çatdırılıb. Xəsarət alanlardan birinin vəziyyətinə uyğun olaraq müalicəsi cərrahiyyə şöbəsində davam etdirilir. Digər yaralılar ambulator müalicə üçün evə buraxılıblar.

İlkin məlumata görə qonşular arasında baş verən dava toyuq-cücə üstündə yaranıb. Belə ki, qonşuların saxladıqları heyratı xoruzu digərinin həyətinə keçib.

DİN-in Mətbuat Xidmətinin Lənkəran regional qrupundan saytımıza bildirilib ki, həmin insidentlə bağlı Lənkəran Şəhər Rayon Polis Şöbəsində araşdırma aparılır. Xəsarətlərin dərəcəsini müəyyən etmək məqsədilə müvafiq ekspertizalar təyin olunub. Araşdırmanın nəticəsində məsələyə hüquqi qiymət veriləcək.