Mask Trampın seçki kampaniyasına nə qədər xərcləyib?

Bakupost.az xarici KİV-ə istinadən xəbər verir ki, Mask Trampın seçki kampaniyasına təxminən 260 milyon dollar məbləğində ianə edib.

ABŞ Federal Seçki Komissiyasına təqdim edilən sənədlərdə göstərilir ki, Mask, Trampın əsas maliyyə dəstəyi mexanizmlərindən biri olan və onun yaratdığı "America Pac" adlı siyasi fəaliyyət komitəsinə 238,5 milyon dollardan çox ianə edib. Bundan əlavə, onun, Trampı dəstəkləyən və adını Ali Məhkəmənin hakimi Ruz Bader Cinsburqdan götürən "RBG Pac" adlı digər bir təşkilata da 20,5 milyon dollar ianə etdiyi bildirilib. Beləliklə, Maskın ümumi yardımı 259 milyon dolları keçib.

Rəsmi sənədlərdə qeyd olunur ki, "RBG Pac" təşkilatına edilən bütün ianələr yalnız Musk tərəfindən maliyyələşdirilib.

Tramp isə Maskın dəstəyini qarşılıqsız qoymayıb. Ağ Evə çıxmağa hazırlaşan Tramp, keçən ay Vivek Ramasvemi ilə birlikdə Maskı federal hökumətin səmərəliliyini artırmaq üçün yaradılmış bir layihəyə rəhbərlik etməyə dəvət edib.