Ru
14:00 / 05 Aprel 2025

"Mehriban Ələkbərzadə şəhidləri unutdurur" - Əməkdar artist

"Mehriban Ələkbərzadə şəhidləri unutdurur" - Əməkdar artist
Eye

"Son günlər doğma teatrımda baş verən söz-söhbətlərə susmağım, laqeyd münasibətimdən irəli gəlmir. Əziz həmkarlarımın müsahibələrinə yazılan şərhlərdə adımın hallanması, “Şahid atası təhqir olunan Məsma niyə susur?” kimi yazılar, təbii ki, mənə xoş təsir bağışlamır. Bəli, acı da olsa, bu bir həqiqətdir. Mehriban Xanlarovanın mənim haqqımda paylaşdığı məlumat doğrudur".

Bakupost.a xəbər verir ki, bunu sosial şəbəkədə tanınmış aktrisa, Əməkdar artist Məsmə Aslanqızı bildirib.

O qeyd edib ki, Akademik Milli Dram Teatrının bədii rəhbəri Mehriban Ələkbərzadənin "Az, 20 Yanvar var? Qurtardı 20 Yanvar söhbəti! 20 Yanvar şəhidləri dəbdə deyil!" sözlərini deyiyini inkar etsə, nəinki atasının ruhu, həm də 1990-cı ilin 20 yanvarında Bakıda, 25 yanvar Neftçalada, 26 yanvarında Lənkəranda şəhid olmuş 150-dən çox insanın ruhu, 20 yanvar yaralıları və şəhid ailələri onu bağışlamaz:
"Əmin olun ki, bu gün Qanlı Yanvar tarixini və 20 Yanvar şəhidlərini unutduran bu cür sapı özümüzdən olan baltalar sabah Vətən müharibəsi şəhidlərini də unutdurmağa çalışacaqlar. Hamımız çox yaxşı bilirik ki, istənilən an düşmən təxribatı ilə üz-üzə qala bilərik. Sizcə, bu unutqanlığı və şəhid ailələrinin bu cür alçaldılmasını görən bir vətən övladı sabah yenidən müharibə olarsa, əlində silah, ürəyində inam və əvvəlki ruh yüksəklikləri ilə döyüşə gedəcəkmi?"

Qeyd edək ki, Məsmə Aslanqızı 20 Yanvar şəhidi Aslan Ağaverdiyevin qızıdır.

Zaur,BakuPost


"Mehriban Ələkbərzadə şəhidləri unutdurur" - Əməkdar artist
Şərhlər
Captcha
Telegram
Bizi telegram-da izləyin
Facebook
Bizi facebook-da izləyin
Tiktok
Bizi tiktok-da izləyin
Youtube
Bizi youtube-da izləyin
Son xəbərlər
Çox oxunanlar