Həlak olan 90 min rus əsgərin adı müəyyənləşdi

Bakupost.az xəbər verir ki, bu barədə “BBC” və “Mediazon”un birgə araşdırmasında qeyd olunur.

Bildirilib ki, təkcə son iki həftə ərzində 1964 rus hərbçisinin öldüyü təsdiqlənib.

Tədqiqat müəlliflərinin fikrincə, ölənlərin 23%-i və ya demək olar ki, hər dörd nəfərindən biri müharibə başlayandan sonra müqavilə bağlamış insanlardır. 2023-cü ilin noyabrında bu rəqəm 14% təşkil edib.

Qeyd olunub ki, ölənlərin yarısından çoxunun müharibə başlayanda rus ordusu ilə əlaqəsi olmayıb:

“Onların 17%-i məhkumlar, 12%-i çağırışçılardır. Jurnalistlərin məhkəmə və ya cinayət araşdırması mərhələlərində Müdafiə Nazirliyi ilə müqavilə bağlamış şəxslər “könüllü” kimi təsnif edilir. Onların arasında ölənlərin sayı 2023-cü ilin oktyabr ayından etibarən kəskin artıb. “Könüllülər” arasında ümumi itkilər ən yüksək, demək olar ki, 21 min nəfərdir”.

Araşdırmaçı jurnalistlər açıq mənbələrdən alınan məlumatlara əsasən ölən rus əsgərlərinin siyahılarını tərtib edirlər. Açıq mənbələrə KİV, yerli administrasiyaların açıqlamaları, mərhumun yaxınlarının sosial şəbəkələrdəki yazıları, qəbiristanlıqlardan alınan məlumatlar daxildir.