Myanmada 5,1 bal gücündə zəlzələ qeydə alınıb.
Bakupost.az xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.
Zəlzələnin episentri təxminən 925 min insanın yaşadığı paytaxt Neypitaudan 19 km cənub-qərbdə yerləşib.
Qeyd edək ki, ötən gün Myanmada 7,7 maqnitudalı zəlzələ baş vermişdi. Son məlumata görə, zəlzələdə ölənlərin sayı 1000 nəfərə çatıb, 2400 nəfər isə xəsarət alıb.