Naşirlər təcili iclas keçirdi - Nazir müavini problemin həllinə söz verdi

Bakupost.az xəbər verir ki, iclasda 30-dan çox nəşriyyat rəhbəri və nümayəndəsi iştirak edib. Sözügedən dövlət xidmətinin kitabxana fondları üçün kitab alışına maneələr törətməsi bir daha ciddi tənqid edilib.

Sonradan iclasa qatılan Mədəniyyət nazirinin müavini Fərid Cəfərov nazirliyin dörd ildir həyata keçirdiyi kitab alışını bu il də davam etdirmək üçün əllərindən gələni etdiklərini, sözügedən qurumla mütəmadi danışıqlar apardıqlarını bildirib və məsələnin tezliklə həll olunacağına ümidini ifadə edib.

Naşirlər bildiriblər ki, məqsədləri heç də bu beynəlxalq sərgininin imicinə xələl gətirmək deyil, kitab alışı ilə bağlı mütəmadi ortaya çıxan problemlərin birdəfəlik çözümünə nail olmaqdır. Eyni zamanda bu məsələnin həlli istiqamətində yetərincə təşəbbüs göstərilmədiyi qənaətində olduqlarını bildiriblər.

Sonda qeyd olunub ki, naşirlər oktyabrın 7-si gün ərzində aidiyyəti qurumlardan məsələyə müsbət cavab gözləyirlər, əks halda, bəyanatda göstərilən qərarlarının qüvvədə olacağını vurğulayıblar.