12:08 / 19 Fevral 2024

Navalnının ölümündə müəmma - Cəsədi ailəsinə verilmir

4550

Cümə günü həbsxanada qəflətən dünyasını dəyişən və ölümü müəmmalı olaraq qalan Aleksey Navalnının cənazəsi hələ də ailəsinə verilməyib.

Bakupost.az xəbər verir ki, Navalnının ölümü ilə bağlı Moskvadan dəqiq bir mesaj olmasa da, beynəlxalq mətbuatda bir çox sual və iddialar manşetlərdə yer alıb.

Navalnının anası Lyudmila Navalnaya və vəkili cənazəni almaq üçün çalışırlar. Müxalifət liderinin mətbuat katibi Kira Yarmiş "Onların yalan danışdıqları aydındır. Cəsədi təhvil verməmək üçün hər şeyi etdirlər", - deyib.

Navalnının anasının cəsədi götürmək üçün Sibirin Xarp şəhərindəki IK-3 “Qütb canavarı” həbsxanasına getdiyini, lakin cəsədi ala bilmədiyini deyən Yarmiş, müstəntiqlərin Navalnaya oğlunun “qəfil aritmik ölüm sindromu”ndan öldüyünü söylədiklərini bildirib.

Lakin Navalnının ölüm səbəbi hələ də təsdiqini tapmayıb. Navalnının cəsədinin prosedurlara zidd olaraq həbsxanadan 55 km uzaqlıqdakı Salehard xəstəxanasının morquna aparıldığı da deyilir.

Müstəqil yayımlanan "Novaya Gazeta Europe" Salehard təcili yardım xidmətinin feldşerinə əsaslanaraq xəbərində Navalnının bədənində göyərmə izlərinin olduğunu iddia edib:

"Əgər bir şəxs qıcolma keçirirsə, başqaları onu tutarkən, sancılar çox güclüdürsə, göyərmə baş verəcək. Onun sinəsində qançırlar var, bu, ürək masajının nəticəsidir. Yəqin ki, infarktdan öldü. Amma heç kim onun niyə infarkt keçirməsi barədə heç nə demir”.

Xəstəxananın morqunda saxlanılan Navalnının cəsədinin istintaq tamamlanana qədər səlahiyyətli orqanlarda qalacağı bildirilib.

İddia olunurdu ki, Rusiya kəşfiyyat xidməti FSB-nin iki zabiti Aleksey Navalnının ölümündən iki gün əvvəl Pole Wolf-a gələrək obyektdəki təhlükəsizlik kameraları və qeyd cihazlarını ayırıblar.

“gulagu.net” hüquq müdafiə təşkilatının xəbərinə görə, sözügedən səfər Federal Həbsxana Xidmətinin bir şöbəsi tərəfindən hazırlanan hesabatda qeyd olunub. Məlumatın düzgünlüyünü sübut etmək mümkün olmasa da, sayt ilk dəfə muzdlu “Vaqner” qrupunun keçmiş lideri Yevgeni Priqojinin Rusiya həbsxanalarından kadrlar topladığını açıqlayıb.