“Naxçıvanla dəhliz xüsusi rejimdə işləməlidir” - Tofiq Zülfüqarov

Bunu Bakupost.az -a politoloq Tofiq Zülfüqarov deyib.

O bildirib ki, Zəngəzur dəhlizi fərqli bir məqsəd daşıyan kommunikasiya xəttidir:

"Digər ölkələr buradan istifadə edərkən adi prosedur qaydalarından keçməlidir".

T.Zülfüqarov qeyd edib ki, son günlər Ermənistan Qazax-İcevan xəttinin açılması məsələsini qabardır. Bu yolun Azərbaycan üçün məqbul olub-olmaması önəmlidir. Bakı ümumiyyətlə, regional kommunikasiyaların açılmasını istəyir. Bu, qarşılıqlı olaraq istifadə prinsiplərini ehtiva edir:

“Fərqli amil odur ki, Azərbaycanın iki hissəsi arasında olan dəhliz xüsusi rejimdə işləməlidir. Başqa xəttlər üzrə isə qarşılıqlı şərtlər əsasında gediş-gəliş mümkündür. Azərbaycan Rusiya və Gürcüstanla bu cür kommunikasiya əlaqələrinə malikdir”.