00:33
Elm və Təhsil Nazirliyinin Qarabağ Regional Təhsil İdarəsinin əməkdaşı Nəcəf Həsənov vəfat edib.
Bakupost.az -ın Modern.az-a istinadən məlumatına görə, o, Xankəndi şəhərində müəllimlərin yaşadığı çoxmənzilli yaşayış binasında dünyasını dəyişib.
Mərhumun yaxınlarının verdiyi məlumata görə, N.Həsənov bir neçə gündür ki, özünü narahat hiss edirmiş.
Meyit müayinə üçün morqa aparılıb.
Onun intihar etdiyi barədə iddialar da səsləndirilib. Tibbi ekspertizanın nəticələrindən sonra ölümün səbəbi açıqlanacaq.
Qeyd edək ki, Nəcəf Həsənov Təhsil İdarəsinin Xocalı rayon sektorunda aparıcı məsləhətçi kimi çalışırdı.
Faktla bağlı araşdırma aparılır.
****
10:15
Qarabağ Regional Təhsil İdarəsinin Xankəndi şəhəri və Xocalı rayonu üzrə təhsil sektorunun əməkdaşı Həsənov Nəcəf dekabrın 23-də yaşadığı evdə dünyasını dəyişib.
Bakupost.az -a Təhsil İdarəsindən verilən məlumata görə, Qarabağ Regional Təhsil İdarəsinin kollektivi olaraq həmkarımızın vəfatından təssüfləndiyimizi bildirir, mərhumun doğmalarına dərin hüznlə başsağlığı veririk.
Hazırda hadisə ilə bağlı hüquq-mühafizə orqanları tərəfindən araşdırma aparılır.
Tibbi-ekspertiza yekunlaşdıqdan sonra hadisənin baş vermə səbəbi ilə bağlı əlavə məlumat veriləcək.
İlkin ehtimala görə, Nəcəf Həsənov beyninə qan sızması səbəbindən dünyasını dəyişib.
2630
MEDİA 
ZƏNGİMCELL
